Liciknya Persaingan

Koyo biasane lurr. Crito iki ming crito fiksi dadi nek ono jeneng lan papan seng podho ora tak jarak.

Critane ngene..

Sore sore aku ketamon uwong ngakune kancaku smp , ning jujur aku kok blas ra kelingan. Ngakune jenenge Anton . Deknen sok akrab banget nyritakke jaman smp . Aku dewe yo ming mesem mesem aneh mergo blas ra kelingan .

" Mosok koe lali to ro aku ?" Jare Anton..

" karang yo wes suwe butuh wektu nggo ngeleng eleng..hh..!"

Jujur wae lur aku jaman sd tekan smp aku wonge tertutup banget dadi yo ora duwe konco akrab .

" Kowe mbiyen nek sekolah numpak pit bmx kae to!" jare si Anton. Aku yo ming mantuk nek jane aku ra due pit. Mangkat we di terke nek bali mlaku..

" asembuh aku wes lali. Omong omong duwe perlu opo moro ndene ngejak reunian..?". Omongku karo cress bul bul..

" Ora dab..! aku ndene pingin njaluk tulung. Aku ki lak saiki bukak warung makan. Yo sejenis sambel sambelan lah..! lha masalahe nggon seng tak kontrak tak nggo usaha kui kok jare pegaweku ( tukang masak ) angker sering di weruhi !" . Jare si Anton.

" diweruhi opo ?, .hantu lombok abang ngono po...? Langsung di uleg lak uwes..!" Omongku karo nyedot udud..

" ora...dadi neng dapur ki sok ono sliwar sliwer uwong . Lha nek esok peralatane masak diobrak abrik. Nek bengi ora ono seng nunggoni. Tau tak nehi tukang jogo malem malah njegleg ora wani mlebu meneh. Lha karepku ki kowe tak kon niliki ndono jan jane ki ono opo ?".

Liciknya Persaingan

" njuk rumangsamu aku ki pemburu hantu ngono po ? Aku ki dudu dukun yoo. Mbok njaluk tulung karo wong pinter seng biasa nangani masalah ngunu kui..hedehh!"..

" uwes...ning ora kacek jare pegaweku isih wae ono seng ngganggu..!" jare Anton.."Gah ah...aku ki ra iso je..golek liane wae Dasare aku cah sibuk oq !"..Anton ketok le gelo " yo wis ra popo ning nek kowe berubah pikiran mampiro iki alamatku !". Jare Anton karo ngetogke kartu nama..njuk njaluk pamit.

Let telung dino aku ketemu kancaku smp jenenge Yuyun ( Nek karo wong iki aku ra lali wong isih sak kampung dasare gampang le ngeleng eleng cah lanang jenenge Yuyun)

"Yun, kowe kelingan konco smp jenenge Anton.?" Takonku ,

"Anton..? sek sek koyo capet capet kelingan aku. Ooo.... alahh Anton too? kae lho seng mbiyen rodo ngondek kae lho..!. mbiyen deknen ora neroske neng SMA..ning neng Semea 3 jurusan boga. Kabare saiki wes dadi master cef !". Jare si Yuyun..

" oo... iyo to..! Tep ra kelingan wkwkwkwk..!".

Yo wes singkat crito lur bengine aku moro neng warunge Anton ngiras pantes jajan .

Jebul laris warunge, nggone yo jembar modele joglo gede di gawe emper dadi ketok klasik banget. Aku golek nggon seng demes. Ora suwe pelayan teko karo nyodorke menu. Tak delok regane yo ra larang, sop buntut 130 ewu, iga bakar 150 ewu, nila goreng 60 ewu ning aku ra tertarik..! ngerti dewe ...! Orang kaya.

Terus aku pesen menu sepesial nasi sambal plus pete goreng plus mendoan minum air putih total entek wolongewu.

Ngenteni pesenan lur, biasa,.... cress..bul bull..karo nyawang kahanan. Blas ra ono seng aneh, ora ono tanda tanda lelembut sing ono neng kono. Bareng sak untoro pesenanku wes teko, etok etoke dadi Bondan. Tak coba ngicipi sambel..hmm..pedes. Tros nyobo ngicipi pete goreng..hmmm ..rasane pas banget..kroso petene..wel..tros ngicipi wedang putihe...

cleguk..cleguk..

jaaan... rasane mak nyusss pas banget tawar gek raono legi legine blas....yo ra maido gaweane master .

Basan wes rampung aku nuju kasir mak jegagik kepetuk Anton ,"akhire teko juga kowe ! Piye ono seng mbok weruhi ra ?" Jare si Anton "ora ki..ra ono seng mencurigakan aman aman wae !" Omongku karo ngelungke duwet neng kasir . " "Rasah mbayar. kowe ki tamuku je kok.malah mbayar.!".jare si Anton.hhh.

Jian ra gelem di bayar tenan...hhh ngertio mau pesen seng larang .jilak nan oq.. ..aku tros di jak mlebu dapure... Whoooo mak jegagik ono wewujudtan badan alus cah cilik lungguh ongkang ongkang neng duwur kolkas karo namatke si Anton terus. Bubar mubeng mubeng aku dijak jagongan ro Anton..

" kopi po ?" Tawane anton.." ora ..!wedang putih panas wae..! Ning di campuri gulo karo kopi !" Jareku.."oke siap..! kopi loroo !" Bengoke Anton ro pegawene.

" Aku tak takon ton..! Kowe wes kluarga po durung ?" Takonku, "Uwis...! Lha piye ?" Anton genti takon " wes duwe anak durung..?" Aku duwe anak 2 seng mbareb TK seng siji isih 5 sasi..lha piye to ? Takone si Anton.

" Jujur wae pancen ono badan alus neng dapormu. Saiki kowe yo kudu bloko karo aku..!" Omongku ndedes..

" kowe dodolan iki nganggo prewangan ora ?" Si Anton ketok kaget tros ngomong " Astaghfirulloh Ora..! demi Allah aku ora nganggo !" Mbeel...! Mesti kowe nganggo ewesewes. Njaluk seko dukun pelarisan to..! Ngaku wae..!" Ora....wani sumpah ! " Nyaaak...lha kae seng ongkang ongkang neng nduwor lemari es mu kae opo ?" Deknen njuk nyawang nduwor kolkas.." opo..? aku ra weruh. Seng jelas aku murni, ora nganggo koyo ngono kui. Malah nek iso usiren sisan !"jare Anton rodo serius..

" nek dudu njuk kae Anake sopo ?

Liciknya Persaingan

Jam setengah sepuluh warunge Anton wes toto toto arep tutup, jam sepuluh bengi kabeh karyawane do bali ming kari aku ro Anton seng isih jagongan.

" kowe nek arep bali balio sek ton..! Warungmu tak tunggune mergane iki ono seng nyolo wadi..! " Omongku ndelok glagate Anton seng koyo ora tenang .

" Yo sory yo tak tinggal bali ndisik pamitan ro wong omah mengko tak rene meneh !" Jare Anton yo melu kukut bali.

"nek butuh opo opo njikuko dewe..!" Jare Anton..siaap..! Jawabku singkat. .ming kari aku ijen.

Basan wes sepi sajake wewujudan bocah mulai ngetokke siunge kebukti tros marani aku munggah mejo pas neng raiku..deknen namatke aku cedak banget. Iki demit katarak po yo le namatke nganti meh nemplek raiku. Sang soyo ceto bentuke sak awake koyo kebak wulu. Meh koyo munyuk mung ora duwe buntut. Sajake arep mastekke aku iso weroh opo ora. Aku yo tok etok ora weruh ben tak ujo wae opo karepe.

Nek iki jelas prewangan lur, dudu jenis jin khorin. Tros deknen pindah mencolot neng ngarep kolkas njuk mlebu kolkas tanpo mbukak lawang . Glodag glodek gawe suoro mbuh opo seng di goleki. Gandeng aku yo penasaran tak parani tros kolkas tak bukak..sentub..! mambu gondo daging mbatang. Tak bongkar isi kolkas tak goleki seng mambu jebul ono sebagian daging stok sing wes mambu. Ming gumunku daging beku kok iso mambu. Tros tak pisah seng isih apik.

Mak jegagik lha kok munyuke wes neng jejerku, daging seger seng tak dewekke di demok karo munyuke langsung dadi bosok..hhh..

Wes ceto jin prewangan iki di kirim kanggo ngrusak pasarane si Anton . Biasa lur mesti persaingan , ono seng raseneng karo bisnise Anton tambah maju . Ning janjane rugi lho lur nganggo prewangan ki. Mesti suatu saat njaluk ijol..kok , deknen ki mesti ono perjanjiane, nek ora, jelas ra gelem .. Wong licik tenan je demit model ngeneki.

Goblok tenan ngoyak kadonyan nganggo bantuan demit. Karepe urip kepenak wegah rekoso keh tunggale wkwkwk..

Sekedar info wae lurr, aku mbiyen di wenehi guruku ujud rapalan kanggo nyekel ujud jin model bregejil ngene iki.

Alon alon rapalane tak wateg.

nyilih energi bumi , banyu lan angin ugo doyo panguasaning gusti Allah.

Mboko sitik epek epek tanganku murub mowo pamor biru wernane. Alon alon tak cedaki bergejile. Kiro kiro cedak langsung tak saut candak pas lengene. Deknen kaget njumblo njumblo mbeker mbeker ro misuh musuh. Njaluk di colne bola bali nyakari nyokoti tanganku. Ning blas ra kroso loro ming koyo dikukuri bayi.

Liciknya Persaingan

Jebul pamor biru iso ngobong wulune mremen seko lengen nganti sak awake dadi trondol mblejit. Gandeng ming enteng sasat ora ono bobote tak obat abitke tak ubeng ubengke karepku ben mumet. Deknen ming bengok bengok ora ceto. Pingin reti aku demit ki iso mumet ora.

Bareng sak untoro tak colke deknen mlayu nabrak nabrak..wkwkwk.. Opo mungkin doyo kasektene nenggon wulune yo lur. Dadi raiso nembus tembok mergo mbodol..wkwkwk

Deknen tros nyekakar bola bali arep mencolot nyoba mlayu nembus tembok neng mental terus akhire ming ndepis neng pojokan tembok dapur matane nyawang aku karo ndemimil ora ceto.

" sopo kowe menungso ngganggu gawe karo aku?!" Takone bregejil karo drijine nudingi raiku..

" gene iso omong boso menungso koe.!" Jawabku..

" kowe ra macem macem karo aku..! iso tak pateni dino iki bakale kowe ming arep tak nggo keset neng neroko..!" Omonge bregejil nantang matane mendelik rupane di sangar sangarke ben aku wedi sajake langsung tak parani tak cengkiwing gulune koyo kucing..

"PIYEEE OMONG OPO KOWE ? NANTANG KOWE ? KOWE AREP MATENI AKU ? NYOHH PATENONO AKU. AYO CEPET GEK DI PATENI..!" karo tak keplaki ndase.

" woo tak santet tenan lho..!" ..PIYEE...? KOWE AREP NYANTET AKU ? CEPET SANTETEN AKU. AYO GEK DI SANTET ORA MALAH KIWAH KIWIH..!" omongku karo isih tak keplaki ndase seng wes telis telis..

" lha... ra nggowo alate koq..!" alesane bregejile..

" kowe kongkonane sopo..heehh? Wani cenanangan tekan kene.." rasudi aku ngandani kowe..!"

Kui lur.. lak yo mangkelke tenan to ! Langsung kompor gas tak urubke, raine bregejil tak obong. Deknen bengok bengok mintak ampun wkwkwk.. Raine iso mlonyoh ning gumunku ora sue bali meneh koyo maune..

" kowe ki menungso kejem kok mas !" Jare deknen karo raine kemutuk wjwkwk..

" MAS MES MAS MES..! EMANGE AKU SEDULURMU..!" Tak bakar meneh raine. Ambune nganti sangit koyo kulit kobong..

" anayung anayung. ampun paak kulo kapok !" PAK PEK PAK PEK ..! Kapan aku dadi buapakmu ? njuk raine tak obong meneh.." anayuoong anayuung tobat dheen..! Kulo sampun tobaat dheeen !" Bengoke deknen.

" lha rak ngono! Ayo kowe seng ngongkon sopo? Nganti ngapusi tak obong meneh bokongmu !

"Ampun Ampuun deeen...! Pak Darjo! denn! mboten ngapusi kuloo. Sak estu kulo ming menjalankan tugas kok den..!"

"Awass..wani bali rene meneh..!" "Mboten deen mboten hanahiyuung wong kok kejeme koyo ngono..! " PIYEE..! KOWE NGONEKKE AKU WONG KEJEM ...? OBONG MENEH.!haduuuhh

hh..sakit deen...pon kapok..!" " PIYE...? AKU WONG KEJEM OPO WONG APIK ? " saee..denn..njenengan tiang sae..!" haduuh hiyuuung..! ".AWAS..!.Angger ngapusi. ..!" Mboten denn... ! Kulo mboten wantun ngapusi..!" Aku ngganteng ora ?"..ngganteng denn..ngganteng banget mase.deen..!" "NGAPUSIII...! obong meneh..!" Whaduuh salah meneh hanayuuung...! Nganti ajur deen kewer jewer raiku...haduyh.. !

Liciknya Persaingan

"...Wes kono gek minggat..! sewektu wektu aku ndene weroh ujudmu ojo takon dosa ..! tak lebokke njero ban motor, tak kebutke ben ambyar ndasmu !" ancamku tros tak colke. Deknen teros ilang tak kedepke hh.

Ora suwe Anton teko, kabeh tak critakke yen deknen di krimi bregejil ben sepi dagangane ora payu...hhh warunge ben..bangkrut.

Singkat crito aku di kabari Anton let rong ndino yen bar tilek tanggane neng Panti Rapih mergo raine kobong..parah..wkwkw.. Mulo yo mulo lur ojo nganti duwe kontrak perjanjian karo bangsane jin mergo rugi banget ming diapusi tok rekoso neng tembe mburine percayalahh percayaalah.

============================TAMAT===============================

SC: Dokter Kung Top