Kyai Lumajang

Howo isuk wektu kui kroso adem mergo meh sedino uyan terus. Kumbahanku sek wingi we durung do garing. Jam wolu we isih ketok koyo jam enem mergo mendung. Hawane pancen penak nggo turu meneh wae wkwkkwk. Lha piye arep mancing yo percumah, kali kali mesti do banjir. Wong isih udyan udyen wae. Cres bul bul wae ro ngopi neng teras.

" om....! mbok mengko aku njaluk tulung ..!" Omonge wantinah tonggoku.
" ngopo..? " Jawabku rodo aras arasen.

Wantinah ki bojone kang tejo tonggo ngarep omah. Wonge lemu koyo drem neng percaya dirine kliwat .

" tulung petoke si Adit !" omonge deknen
" loh emange bali jam piro ?" takonku
" jare mengko jam 10..!"
" lha kang tejo nengendi"
" ket wingi rung bali je, jare ngeterke bos e !" Omonge wantinah
" mbuel diapusi kowe nahh ! Paling nginep nggone mbok enom !" godaku wkwk
" wani po ? Iso tak ajiar tenan !"

Wkwkw maklum lur, kang tejo ki termasuk tipe STI suami takut istri wkwk. Ning nek neng njobo gayane koyo gento wkwkwk..

"yooh. !" .
" Tenan lho om , mengko tak teri bakmi wes, aku gae bakmi" jare wantinah tanggaku.

Adit anake wantinah sekolah neng SD negri rodo adoh. Mergo neng SD seng cedak omah malah ora ketompo mergo kurang umure wkwkwk. Peraturan yang Aneh..

Jam setengah sepuluh aku budal metuk Adit. Tekan sekolahane, aku ngenteni neng njobo. Mergo sekolahane di gembok satpame ndak do mbolos karo ben aman mergo sekolahane pinggir dalan gede tor rame. Neng njobo pager okeh bakul bakul; ono bakul gambar , jajanan bocah, cilok , bakso tusuk, siome, iwak cilik di plastiki wkwkwk hedehh werno werno wae carane wong golek duwit..

" kui mending sak iki rodo tertib mbiyen sak durunge di pager do mlebu nganti koyo pasar..!" Jare satpame.

Kyai Lumajang

Neng seng dadi pusat perhatianku wektu kui ono bakul kitiran seko barang bekas karo dolanan ra mbejaji wkwkwk. Po yo payu batinku. Wonge wes tuwo, rambute putih, kulite wes rodo kriput bola bali noto dagangane. Nggandeng aku melas tak cedaki arep tak tukoni karepku wkwk mesakne.

" Sampean dodolan kongeten niki wes suwe mbah..?" Takonku.
" Wah pon dangu mas..! " Jare deknen
" waton iso nggo nyambung urip !" Jare bakule.

Njuk iseng tak tukoni ,ngiras pantes nukoke dolanan Adit wkwk. Ora sengojo aku weruh awake bakule ono tatone.

" loh mbah sampean tatoan to..?"

Deknen mantuk njuk nduduhke tato neng awake.

" niki mbiyen gambar nogo mas, sakniki dadi welut..!" Jare deknen nglucu.
" Lha niki gambar manuk elang, sakniki dadi emprit..!" wkwkwk aku dadi ngguyu.

Ora suwe Adit bali ngerti aku langsung mbonceng.

" ayo om..cabut !"
" Asemik padake ojek dit..! ki tak tukoke dolanan.."
" opo iki om, akuki wes kelas enem je, ditukokne koyo ngene !" Protese Adit.
" Yo iki nggo adimu haha ! "

Langsung pancal bali, neng ndalan aku kok ketak ketoken tatone bakule dolanan mau yo..? Tau weruh nengendiii ngono. Gambar manuk tarung karo nogo.
Capet capet aku kelingan rupo rupo wengis, seng mateni kluarga setiawan hhh.

" Dit.. bakul otok otok mau wes suwe le dodol neng sekolahanmu ?" Takonku ro Adit
" wes ket aku kelas siji om !" Jawabe adit..
" kenal po om ?"
" Raak ! Jenenge sopo dit ?"
" Kae jenenge mbah gun..! " Jare adit..

Haha modyaar ciandak ra kwe...!
Tekan omah si p wes ono neng teras, cres bul bul, moco koran ,karo ngopi. koyo wong mulyo..wkwk .

" Pe....! tak andani !"

Tros tak critani kedadian mau. Si p langsung ngadek sajak emosi wkwkwk..

" rasah kesuwen paranih...!"

Kyai Lumajang

Kopi panas langsung di glogok njuk mbonceng .. koyo yak yak o pee...!.

" Sek tak ngebel Ahmadi , polisi ne..!"

Bar ngebel aku ro si p bablas boncengan mbalik neng sekolahe adit. Ahmadi yo langsung OTW ,TKP..

Tekan ngarep sekolah mbah gun isih ono. Nek ndelok kahanane melas banget sak iki, bedo adoh karo jaman enome. Awake gede gagah, kulite putih kok sak iki kuru rambute seng putih. Ming ra pangling ro mripate rodo sipit..

" endi ?" Takone si p karo matane jlalatan
" ha kui.. !" Omongku , si p nyawang mbah gun njuk
" hakok.. wes yo ngono ? Wah... ora tegel aku !" Jare si p mbasan ngerti kahanane wkwkwk.

Ora let suwe Ahmadi yo teko karo anggotane nggo mobil patroli..

" Yakin iki wonge..?" Takone Ahmadi..
" iyo neng ojo galak galak ben ora nyolok, !" "Siaap.."

Mbuh carane piye kok njuk gampang banget mbah gun diunggahke mobil patroli sak dagangane. Geger bakul bakul do heboh wkwkwk ngerti mbah gun ter ciduk wkwkw
Njuk ono seng takon si p ..

" Ooo.. kui mau mergo dodolan neng ngarep sekolahan ora tertip marake dalane macet. Sesok mboko siji yo arep do di ciduk kok !" Omonge si p wkwkwkk..

Bablas nututi Ahmadi neng kantore. Tekon kono, mbah gun wes di lebokke neng ruang introgasi kae lho lur, ruang kedap suara seko koco seng iso di delok seko njobo..

" yakin kowe iki tersangkane ?"
" Iyo.. cobo kon copot klambine, tak deloke seko kene !" ,

Kang Ahmadi tros mlebu ruangan. Omong opo ora krungu, ning tros mbah gun nyopot klambi. Ketok ceto gambar tatone plek koyo seng aku weruh wektu kui, tambah yakin . Aku njuk kon mlebu ruangan melu ngintrogasi.

" Kulo mboten salah nopo nopo , kok di gowo mriki ..? Salah kulo nopo ?. Kulo dodol yo barang barangku dewe ora le nyolong ora ngugekke wong liyo ..!" Omonge mbah gun.
" Njenengan tak takoni di jawab jujur mbah..! Mbiyen sampeyan rumongso tau mateni uwong mboten ?" Rupane mbahgun mbalik pucet njuk nrocos..
" Ojo meneh kok uwong mateni kewan men kulo ora tau..bla..bla..bla..bla..
" Wes rasah kakehan omong mbah...! tau opo ora ?"
" Dereeng tau ..! mbok sumpah..bla bla bla..! "
" Wes... durung tau ngih..?"
" Dereng..!" Jawabe mbah gunadi tegas..
" sak niki kulo tak takon melih, kowe kenal keluarga Setiawan ?"
" ora.. ora tau krungu jeneng niku ...!" Jawabe mbah gun soyo pucet..
" Ora kenal nggih .! Deknen gedek gedek...
" sak niki tak takoni siji meneh, sampean kenal seng jenenge Romo prapto ora???.."

cep, klakep mbah gun bakule otok otok langsung pucet , kringete brol sak jagung jagung seko batuke..

" kulo baleni,kenal mboten..?"

Kyai Lumajang

Deknen ming meneng karo gedek gedek rupane njuk kimbik kimbik njuk omong

" kulo ora salah, kulo ora melu mateni..!"

Greeng lego rasaku lur, mergo bener tebakanku. Wong iki seng melu ngenteki kluarga setiyawan, introgasi di teroske .

" Mbah... jan jane seng mateni sampean nopo si prapto ?, nek jare prapto koe mbah seng tukang mateni ?"
" Mboten....! Sanes kulo..! Prapto seng mateni..!" Jare mbah gun karo nangis..!" Hedeehh..
" Ees sak iki aku tak pingin ngerti, Kenopo kok prapto tegel mateni, kluarga Setawan..? Awale ki piye...? Tros kenopo wektu kui koe malah ngewangi ora nyegah..?"

Mbah gun tros crito ,
***
Critane ngene lur.....
Jenenge Gunadi asal seko wonogori wes hijrah neng jakarta barat kawet taun 1982 dagang bakso laris maune. Nanging gandeng keno bujuk rayu si gareng dukun apus apus, dadi bangkrut mergo sibuk ngoyak oyak barang ra ceto seng regane nganti atusan milyar.

" Barang opo kui nganti sak mono regane ? " Takonku .
" Yo. Macem macem mas. Wong kui barang ghoib !"
" Contone".
" Emas latakan pirang pirang kwintal. Modalku kesedot sitik sitik ora kroso wong di iming imingi duwet atusan millyar. Duwet entek ming nggo wira wiri karo nggo tuku sarat sarat seng regane jutaan . Nek ming seket juta amblas mas..!"
" Jaman semono kui..!" omonge mbah gun

Jebul kui wes ono sindikate..

" Lha kok kowe tetep percoyo karo prapto nek ngerti diapusi ? " Takonku
" Lha yo kui mas mergo romo prapto kui pinter omong, omonge sopan alus , tur yo bolo ghoibe yo okeh duwe pasukan jin ewon dadi sekti !"
" Jare sopo kui ?." Takonku
" Jare koncone prapto ! "
" Oaalah ... model dolop to....,! wkwkwkk ning yo karang wes bacut percoyo, sak omong omonge di nut yo wkwkwkwk.."

" Terus ?" .
" Lha nek ra manut duwetku seng bacut nyemplung ora bali. Yo kepekso manut akhire malah aku kedapuk golek korban liyane ben duwetku yo iso bali. Seng dadi sasaran pengusaha seng meh bangkrut, pensiunan pejabat, opo wong nganggur seng warisane akeh.."
" Ora, aku tak takon kenopo ora mbok laporke Polisi wae wektu kui ?" Takone Ahmadi ..
" Nek romo prapto di cekel polisi niyat duwitku seng bacut nyemplung ora iso bali..! Neng pikiranku ming duwitku bali aku njuk metu seko sindikat ilmu ghoib iki."

Lha sing dinggo gawe korban kancaku dewe setiyawan. Ndilalah setiyawan yo wes bacut ke jeron. Dadi ngoyak teros karo romo prapto. Akhire di tentoke dino dinggo narik Emas pirang pirang ton seko njero lemah ning sarate kudu komplit ,sajen sak ubo rampe ingkung ayam , termasuk tenggok isi dueit , cacahe kudu sewelas juta. Nek ra sakmono jin e ora gelem menehi emas , hahaha. Sajake setiawan nyilih duwet karo didik koncone seko suroboyo. Ben Didik percoyo dijak sisan ritual penarikan emas secara ghoib. Nek penarikan gagal duwit seng neng tenggok di balekke ..

" Ooo... rencanane setiawan ngono ? Ning romo praptomu ngerti? njuk do di pateni termasuk koncone seng jenenge Didik , pateni sisan ngono ?" Takonku ..

mbah Gunadi mantuk alon

" ning kenopo ono bocah cilik wedok bali seko sekolah mbok pateni sisan ?" Takonku karo plak..! ,

Nempiling ndase mbah Gun sak kayange nganti krengkangan tibo seko kursi. Aku langsung di gondeli kang Ahmadi. Maklum lur, kegowo emosi kelingan Anii le kojel kojel sekarat. Mbah gun langsung mbengok

" Ammpuuun... ampuun.... senes kuloo... senes kuloo.. seng mateni... tuloong tuluung" ndase mletong gede biru..
" Blegermu menungso neng panjalmane iblis. Bajingan.. ! Opo kowe rangerti doso...? hehh... opo rumangsamu nek kowe wes modyar ora ono pengadilan seng luweh abot..? Ming goro goro duwit ilang kamanungsamu. baikttt..!! opo kowe pingin ngrasake siksa geni neroko jahanam? kene tak gejros ndasmu ora modyar drajat opo..! "
" Uees... uwes..!" Omonge Ahmadi karo nyekeli awaku
" sabar sabarr..!" Aku langsung nyebut asstagfirullah..

" Ampuuun ampuun... ampuun... kulo ngakoni luput. Kulo pon tobat...! crito kulo dereng rampung...! lebar niku duwet seng, teng tenggok di bagi kulo ,di sukani sekawan juta. Tros kulo bali teng jakarta nemoni anak bojo kulo ajeng mbaleni dodol bakso. Lagi sedino teng mriko anak kulo lanang umur 10 taun bengi sambat ngelih. Kulo metu golek pangan, kulo bali omah seng kulo nggoni pon kobong anak bojo kulo mati. Bondo kulo ludes, urip kulo ketimplak timplak. Saaal terus urip kulo. Hadoh gusti kulo njaluk ngapuro ! " Omonge mbah gun karo nangis nguguk...
" Kulo bali jogja ajeng njaluk ngapuro kalih kluargane setiawan. Pon meh 10 taun kulo goleki mboten ketemu...!"

" Yoh... sesok kowe tak parake neng kluargane styawan. Angger koee sesok gelem dadi saksi yen seng mateni Prapto gareng..!" Omongku isih sengal sengal karo metu seko ruangan...ben di teroske Ahmadi
" Loro ra tanganmu ?" Takone..si p.

Kyai Lumajang

Bareng tak delok tanganku woh jebul abuh to wkwkwk. Pantesan senut senut.

" Tuku kontelpen kono pe..! Kecetit kih wkwkwk"..jebul ndase mbahgun atos wkwkw..
" mantan gento je! " Jare si p wkwkwk
Rodo sak untoro, Ahmadi metu seko ruang introgasi. Gunadi gento tuwo wes di amanke ,dilebokne neng hotel prodeo.

" Piye kang ? Nengendi sak iki , dununge si Gareng ? Mbah gun ngerti ora ?" Takonku.

Kang Ahmadi njuk crito yen wong seng tak goleki sak iki madek dadi kyai utowo ngami tuwo neng lumajang !

" Lumajang ki ngendi ?" Takone si p .
" Lumajang ki jawa timur kono !" Jawabe Ahmadi ...hedeeehh adoh men batinku ,
" falit ra kui informasine ? Tiwas parani adoh adoh jebul Zong !" Takonku ,
" iki lagi di cek neng kantor polisi lumajang karo anggotaku, sekalian golek info tentang Romo prapto !" Jare Ahmadi .
"Wes di enteni karo madang madang sek yo !" Ajake Ahmadi ..
" cocok ...! Selak ngelih je.. wkwkwk ning aku ra nggowo sangu je !" Omonge si p
" Halaah... wong ono sek ngejak kok bingung peee.....! sok basa basi kowe !" Omongku seng podo ranggowo sangu wkwkwk dasare mental kere
" nengendi iki penake ?" Takone Ahmadi..
"manut..!".jawabku ro si p bareng wkwkwk.

Bali seko madang, anak buwahe Ahmadi wes menehi berkas tentang si Gareng. Jebol si gareng neng kono, kondiyang dukun ampoh, di segani, duwe padepokan gedhe. Pengikut akeh , jenenge wes ganti dadi Eyang samber nyowo

" wuhh sangar pas banget karo kelakuane !" Omongku..
"wani nyekel ra ? " Takone Ahmadi
" wooo... hayo turah wani malah penasaran aku ki sepiro keampuhane, kok le ngedir dirke ...haha !
"njuk kapan ki arep dolan neng lumajang..?" Takone Ahmadi..
" sek..ngenteni tanganku mari rong rong ndinongkas, paling wes mari arep tak nggo ngiajiar , ki samber nyowo e ..! Karo klumpuk klumpuk golek sangu !" Omongku
" Rasaaah...! biya ya wes ono seng nanggung kok !" Jare ahmadi
" sopo..?"
" Yowes pokoke ono ngono wae..wjwkwk ."
" melu ra pe ?" ..takonku..
" wayo jelas melu... nek ono seng nanggung ! aku yo pingin ngidyak idyak si Gareng je..! "

Lebar rong ndino , aku diampiri anggotane Ahmadi nganggo elf long , aku karo si p , gage toto toto apo , wae seng kudu di gowo..
Wong limo budal seko jogja ..selo, iso slonjoran wkwkwk.. Mboh pirang jam perjalanane wong mampir mampir warung mesjid.

Dadi santai alon alon waton tekan. Tekan lumajang njujuk penginapan, seng wes di siapke karo polisi kono..hehe...,

" Oprasi penangkapane sesok wae , aku tak koordinasi karo polisi setempat karo nyiapke berkas penangkapan ."

Isuke bubar sarapan . Kabeh wes do siap , rapat ko or dinasi sedelok , karo polisi setempat , ngendi wae seng kudu di jagani ben si gareng ora iso lolos..

" Seng jelas digawe piye carane ben ora okeh korban. Mergo aku yakin , mesti Anak buwahe utowo pengikute si Gareng mesti okeh..! Ora bakal trimo yen gurune di cekel !" .

Sak wise terencana kabeh gage mangkat budal nuju ,padepokan Eyang samber nyowo.!.
Mangkat alon alon neng padepokan samber nyowo jebul jarake seko penginepan isih adoh. Neng daerah plosok, gek dalane koyo kali asat. Mongko wektu kui udyan gede sisan.

Hedeeh.. mobile nganti ke pater bola bali. Maklum lur, lemahe abang gek nglempung kae lho lur..

" ming arep nyekel penjahat siji we kok yo rekosonee kok yo pas udyan barang hahah !" Clatune si p mergo di koplak koplak neng njero mobil.

Mbasan meh tekan , mobil ora iso mlaku mergo dalane ora memungkinkan. Kepekso jalan kaki, untung udane wes terang, ning yo kui lurr dalane lunyu banget. Aku we kepletre bola bali, spatuku dadi kandel banget.

Seng bejo polisi polisi seng nganggo seragam ,sepatune duwur dadi etel le mlaku. Ning yo sempat do kejungkel wkwkwk nek si p malah aneh meneh, spatune di cangking, sikile di blebet plastik kresek wkwkwkmalah koyo main seki ..

" isih adoh kang lokasine ?" Takonku njuk polisi stempat seng njawab
" Endak paling 500 m lagi !"
" hedeeh.. mangkat awan tekan nggone meh surup"

Kyai Lumajang

Bareng wes tekan, pancen gedhe padepokane. Ono pendopo joglo neng ngarepe , njuk mburi koyo ono bangunan piramit koyo neng mesir ming seko boto abang. Samping joglo ono omah omah limasan serba seko kayu jati. Jian ketok ngengreng banget. Ngarepe di pager duwor ,regole seko wesi di gawe lung lungsn rambat ono tulisan neng ndueure "Padepokan Samber Nyowo " .

Kang Ahmadi teros ngomando ator strategi. Sebagian njagani pojok pojok deso ngawekani nek si Gareng iso mlayu. Kabeh polisi nggowo senjata lengkap ples rompi anti pluru. Neng regol ono seng njogo , 2 sajake cantrike ,( pengikut ) nganggo klambi ireng ireng nganggo baret barang nganti koyo aparat. Ming sipil we nggaya lee. Kang ahmadi njalok kon mbukakke pager mergo di gembok seko njero. Ning ora gelem mergo kyai samber nyowo lagi semedi tidak berkenan menerima tamu jare.

" Nek ora di bukak tak gedor !" Omonge si p nggleling..

" tidak bisa..! Kami takut nanti kyai marah !" Omonge seng njogo..
" wess... ora gelem mbukak ..?" Takone Ahmadi.

Seng jogo malah mencak mencak nantang polisi seko njero pager..

" Bukaken nek iso. Kui dudu gembok sembarangan. Seng jogo atusan jin. Wes di keki kodam !" Jare cantrike, Ahmadi tros noleh aku sajak njaluk persetujuanku..
" bukak ..! Ra ono apa apane kui, dyapusi tok !"

Langsung kang ahmadi njikuk pistol neng balik jakete tros Dorr..dorr.. gembok mencelat ajur. Lawang pager di jejak si p. Brrak.. seng , njogo nganti njenkang tros di playoni ro si p . Arep di keprok kayu ning tros angkat tangan karo ndodok tanda menyerah. Tros diamanke karo profos stempat neng pinggir .

" perkoro iki ora ono sangkut paute karo kowe, mulo kowe rasah melu melu !" Omonge polisi karo ngecongke senjatane..
" nggih paak ampun pakk !"

Tak sawang ono wong limo metu seko pendopo do nggowo golok..! Nantang nantang polisi seng intine arep mbelani gurune.

" Ati ati kang ..! nek iki wonge wes di iseni ora ming lawaran !" Omongku mergo tak sawang ono jin seng manggon neng awake..

Si p seng nggwo kayu arep cenanangan maju bali mundur meneh wkwkk..
Genten aku seng maju. wong limo do sesumbar nek duwe ilmu kebal. Ning jin seng manggon neng awake ketok nek wedi nyawang aku .mbuh ngopo. Sajake aku wes kondyang neng dunia per jinan po yo wkwk. langsung tak getak wae ..

" nek kowe ora minggat seko ngarepku berarti kowe nantang ro aku. Opo njaluk tak obong dino iki..?" Jin jin seng manggon neng awake menungso limo mau langsong do oncat mboko siji. Ketitik ono cahyo abang seng do metu..bablas..mboh nengendi parane..
" Percuma kowe nggowo bedil aku ra wedi bedil ! " Jare wong seng brewok karo nyopot klambi karo nepuk nepuk dadane seng kebak wulu ! Njuk akon kancane kon mbacok awake. Ra sadar yen seng manggon neng awake wes minggat .

Kancane yo ngono ngetokke parang njok di bacokke neng awake seng brewok dengan pe denya. Hayo langsung crass getih muncrat neng latar. Klumbruk.. njuk mbengok sak kayange .

Hiyooooong..! Seng mbacok melu kaget njuk parang di tibakke sajak ra percoyo nek dadane kancane mlowek sak mono gedene. Liyane langsung do ngrubung . Untung Ahmadi ugo uwes siap paramedis dinggo njagani nek ono kedadian ngene iki. Hedeh ono ono wae liyane seng maune nggleleng njuk ngluntung ndodok ora wani ndangak..

" piye kowe seng mau jare kebal endi kene tak bacoke ..!" Omonge si p nggleling.

Aku tros munggah pendopo di kawal si p, ro sakperangan polisi tak deleng..

"wee.... ha.. iki... mundur sek kowe pee...! Karo konco konco do semingkir rodo adoh...!" Omongku langsung di gugu.
" Ono opo..?" Takone si p.
"iki ono jin tingkat menengah pee...! Seng ngadang lakuku..! Pingin weruh po ?"
" Giyaaah...!" Wangsulane si p cepet .

Neng njero pendopo ono wewujutan Sardulo gedene sak pedhet mongko loro seng siji wernane dadu seng siji putih. Nggereng nggereng. Matane abing menciring nyawang aku tanpo kedep haha. Njjuk le oleh nengendi? si Gareng due ingon ingon ngono kui..

" Aku ora ono urusan karo kowe. Ning nek kowe arep nyobo yo ..ayo.. ojo maju mboko siji.. majuo bareng..!" Karo wes tak watek mantraku kanggo nyekel bongso kajiman koyo ngene iki.

Kyai Lumajang

Sardulo loro klintar klinter njuk langsung nyamber nyamber awakku. Ning gandeng aku weruh polahe dasare yo wis siap langsung tak petoke tanganku iso mak glangsarr..! Tangan ro sikile krekel krekel arep mlayu, langsung tak candak buntute tak bobat babitke samplukke cagak. Sardulo loro sing maune galak dadi njegrik ora wani namatke raiku.

Ciandak gulune tak kumbo ..ambyar dadi titik titik abang njuk ilang tak kedepke. Pancen lur, bongso jin nek badan wadak ( ora ngangslupi ) arepo ujute gede neng blas ora ono bobote karang le nyipto Gusti seko geni, ning duwe daya rusak gede banget seng iso di rusak.

" wes aman .. ayo mlebu goleki Gareng !" Omongku

Neng pelataran soyo okeh wong do moro, do kepo pingin ngerti, ning karo polisi wes di terangke yen tujuane ming arep ngringkus Prapto mergo dadi buron mateni uwong.

Setiap ruangan di gledah, malah polisi nemu wong wadon cacah 4 iseh enom enom. Neng omah limasan sisih kiwo, jebul kui bojone Gareng. Jilak.. tuwekan ora urus...! ora ngoman omani seng enom wkwkw malah seng siji isih Abg hedehh kok yo gelem to kowe nduk ?

Jare kepekso mergo wedi karo eyang ! Nek ra gelem raiso munggah suargo..! . Ekwkwk cen hajingan ok Gareng ki suargo ki nggone gareng po ...! ono seng ngaku nek ora gelem keluargane arep di santet..! Wooo... juru santet barang to gareng ki..wkwkwk. malah seng bejo si p , di ruket bojo bojone Gareng , ngucap matur nuwun mergo di bebaske seko eyang samber nggelap wkwkw.

Aku tros moro neng mburi joglo ono bangunan koyo piramit. Lawange di tutup rapet. Lagi arep mlangkah mlebu kupingku mbenging banter banget. Kroso ono kekuatan ghoib gede neng cedakku. Aku mundur, woh nek iki pancen ora baen baen. Tak sawang seko pucuk bangunan ono seng mudun ujut ulo gede banget . Nek iki wes kelas menengah atas iki. Tlosor tlosor.. ndase wae gedene sak lemari, awake nekming rong prangkul we punjul. Nggubet bangunan piramit, pamore abang murub ndase nlolor nyedaki lehku ngadek namatke aku karo mbeses mbeses melet melet.

" iki margane patikuh..." batinku..
" Kowee... zzzz.. manungso.. zzz.. wani zzz.. ngganggu aku.. zz"
wah iki iso omong..! langsung tak sentak wae..
" Seng arep ngganggu duapormu yo sopo?hehe iblis lanat.."
" Aku ming arep nyekel menungso anak buahmu kae. Ning nek kowe ngalang alangi malah tak katotke dosane sisan..! Opo njaluk tak soke neroko jahanam dino iki ? Heh..Kowe jin seng wes tuwek keklek mestine yo ngerti, aku tekan kene dudu karepku dewe. Ning nek pancen kowe pingin weroh siksane geni neroko , tak rampungi sisan dino iki...!. nek kowe isih kepingin urip ndang minggato selak nyepet nyepeti mripatku..! "

Ulo seng gedene sak bongkote ngetal nyawang aku njuk koyo kaget keweden , langsung mundur njuk plas malik sinar abang gede. Munggah ndedel ditotke atusan sinar abang liyane njuk ilang tak kedepke. Tak sawang langit seng maune ketutup mendung njuk byak katon lintang lan rembulan.

Tak rasak rasake wes ora ono energi ghoib neng kono. Kabeh resik ming isih krungu suoro suoro kemruwek ora ceto. Sing jelas dudu bangsane kajiman..

" peee..... lawange dobrak pe !"
" siap !"

Kyai Lumajang

Si p langsung ndupak lawang sak kayange. Lawange megek si p seng teros njengkelit..

" hajinganiii... lawang kandel ko ngono kon ndupak !" Jare si p ro pringas pringis nyekeli sikile wkwkwk..

Ahmadi njuk maju arep ndupak ning nyobo mbukak slote klek ...ngeek. ...! jebul ora di kunci hedeeh.si p ketok nggonduk banget wkwkwk

Bareng neng njero piramit jebul padang. Samping kanan kiri ono kamar kamar tengahe jembar. Ono hiasan guci guci keramik gede gede mejo kebak sesajen ambu dupo ratus karo menyan ngganduk banget. Tak sawang ono wong telu seng loro isih bocah umur 14-15 taun ngiglo ora klamben ,seng tengah nganggo jubah putih sorbanan. Marep mburi ngungkuri aku sajake lagi nglakoni ritual. Mboh ritual opo sepat sempate......hhhciandak ra kowe !

" Seng dudu samber nyowo metu ......! timbang tak tembak ndase !" Omongku nggertak. Seng loro isih bocah keweden , njuk klutuh kluntuh gage metu ruangan. Ming kari siji mbalik alon alon njuk marani aku
" loh... anakuuuuu..... aku kangen !" Omonge deknen karo arep nyobo ngrangkul awaku..tak deleng tangane tengen nggegem sesuatu.

Mboh candu mboh racun, karepe arep di kapyokke raiku, langsung tak disiki pluokk...! Glangsar...... tibo neng ngarepe si p langsung di gajul si p.

Raine.. plok... iki salam seko anii , ploook... bocor irunge. Ahmadi langsung ngruket diamanke seko pengamuke si p..hedeh tros di deke seret metu...

" Sek sek kang !" Omongku....tak delok kok sikile normal....??
" keLeru iki dudu gareng iki !" Hedehh....meh wae , rtos tak delok ono kamar seng lampune murup, mau mbukak kok sakiki nutup..

Tak dobrak.. wheee... lhadalah ono tuwekan ndelik neng kamar, karo wedokan meneh, kok yo sempat sempate. Langsung tak jambak seret metu mlakune deglok naaah ciandak tenan iki . .

" Kowe ora kurang ajar, kowe ora ngerti sopo seng mbok adepi iki ! Samber nyowo dukun kondang " Getake gareng...
Ora tak jawab ming langsung tak tempiling ndase plook.
" Kurang ajiar... kowe ra ngerti boloku akeh. Jin ku ewon cacahe. Kui neng njero guci boloku kabeh kui !" Omonge gareng
" endi ... guci iki !" Langsung tak dupaki ambruk ambyar kabeh gucine...
" Kurang ajar, kui guci larang tak santet kowe tak santet kowe !" Ancame gareng..
"piyeee...? Kowe arep nyantet aku ? Nyoh santeten....ayo gek di santet..!"
" Yo sabar sek, nyantet ki ora iso kesusu alon alon kudu nganggo rapalan barang je.."
" ayoo... gek di rapal... cepeet...! iki dupone iki menyane ayoh santeten aku !'" si p melu melu...
" sabar yo mass, gentenan nek nyantet uwong ki ora iso bareng bareng.!"
" Alaaah kesuwen" ..ploook .Glinding...
" iki dinggo Anii ..plook ..glunding....iki nurul..plook..! Glangsar...

" Anayuung! Anayuuung...! Ampun.. ampun.. kulo ampun di piloro nek purun emas teng mriku katah njukuk dewe ! "
" Ora butuh emas palsu" ..plok...plok..nganti ajur rupane gareng ora kalap..

Teros di glandang polisi metu njobo ,tangane di kecrek leboke mobil tahanan. Jebul sworo kemruwek mau sworo jiwa jiwa seng di kunjoro neng njero guci. Cen panjelmane iblis tenan si Gareng ki.

Kok yo ndilalah tekan dalan gede gareng sempat sempate mencolot melarikan diri hedeeh....presss... tronton ngangkot semen seng mlites ambyar jasate gareng raiso di kukup..hhhh . Ruh e gareng mbegegek sajak bingung nyawang kuandane ajur kelet karo aspal. Njuk ono wujut nggilani akeh metu seko njero lemah, abang murub do ngruyuk si prapto do di seret dilebokke bumi

Prapto bengok bengok njaluk tulung ning wes ora ono seng krungu. Calon dadi intipe neroko kowe reng mongko selamanya.
Bareng wes rampung kajatku kasil netepi janjiku karo Anii lego rasane. Jiwa jiwa seng katikung deneng prapto wes iso bebas munggah ndedel bali neng ayunane Gusti ora dadi budake iblis. Jebul korbane Gareng yo akeh..wkwkwk..

" neroko jahanam wes menunggumu reeng gareng..!" Batinku..

Critaku seng dawane koyo ngono mau ming kanggo ngelengke.

Ojo gampang percoyo marang bujuk rayu tembung manis, ora ono..! seng jenenge mukti wibowo seng tanpo rekoso ndisik. Kejobo ngolah bondho londo (warisan). Seng tak maksud ke ki ngene lho lur, wong arep duwe gegayuhan di landasi laku prihatin. Conto gampange wong pingin pinter yo kudu laku prihatin ujute sinau tenanan karo ndongo ben enggal kabul kajate. Ora kok pingin sugih urip penak, njuk poso awan mbengi ndongo nganti jemblek ning wegah nybut gawe.
Okeh tunggale. Ojo kesusu muluk barang kang melok mundak keselak tembe mburine.

Kasus koyo ngene iki wes akeh korbane. Mulo seng ati ati nek ono seng ngomong jare iso menggandakan duwet , anti cukur, emas kentalan ming mbeel ..! , kui bosone sakiki ming PHP. tapuken cangkeme . ojo wedi karo bongso setan ,iblis, mergo kui musuh sejati .

============================TAMAT=========================
SC: Dokter Kung Top