Bojo Simpenan

Koyo biasane yo lur. Crito iki ming crito fiksi dadi ora tenan, dadi nek ono jeneng utowo papan seng podo ,yo saya minta maaf , ora tak jarak.

Critane ngene.

***

Esok esok jam 8 nan aku diparani konco pemborong bangunan . Deknen biyen sak lekting karo aku wektu kuliah, deknen saiki dadi pemborong neng solo . " piye kabarmu bro..?". Apik del ! jawabku singkat. Pancen wes suwe aku ra ketemu karo deke

Hilman parabane, si gudel mergo awake lemu njliteng ngantukan , ning nek nyuoro banter e ora njamak dasare rodo braok. Mbiyen konco

akrabku lur ,ning sering tak buly wkwkwk..

"piye wes rabi rung ?" takone gudel hhhh... ajeg..

"Kowe ki takon po ngecee dell..? Nek ming arep ngece minggat wae kono..! " wangsulanku ketus

Deknen malah nyekakak njuk kotbah " TUHAN ITU MENCIPTAKAN SESUATU MESTI ONO GUNANE..! MOSOK KET MBIYEN SEPRONO ,SEPRENE MING NGGO NGUYOOOH,. WAE !"..wkwkw jare deknen ngguyu nganti mentul mentul susune mergo lemu..

" lambemu deeeel....! Koyo ngerti ngertio. Hanek saiki tak takon.. kowe dinei pentil kui nggo ngopo jal ????" Gudel ketok bingung ro mikir.." lha nggo ngopo yo..? Malah genti takon. nggo ngeneiki..! Karo tak remet susune.. Deknen mbengok ro misuh misuh njuk nyekekek..

Sek tak gawekke wedang sek..

Aku tros metu nggowo secangkir kopi dinggo gudel.."nyoh kopine.! .karo aku saiki lagi ora nduwe duwet..!" Omongku terus terang.

Gudel malah plenggongan.." aku ndene ki ora arep utang yoooo... !" Protese gudel..wkwk.." lha ngopo...? Biasane nek konco ratau dolan njuk njedul ki kemungkinane ming ono 2 nekra arep utang , yo ming arep nawani MLM opo Asuransi.!.!" ..ora yoooo..!" Jawabe gudel nggonduk, Wkwkwkwk "Aku rene ki, sepisan silaturohmi mergo suwe ra ketemu, seng peng pindone aku terus terang arep njaluk tulung..! Hhh.....ngene critane.!"

***

Dadi si gudel oleh proyek renovasi omah neng daerah mbekonang, ngerti lur ? mbekonang ki sak wetan solo. Seng kondiang ciyune sakdurunge sragen. Lha omah lawas seng arep di renovasi ki jare angker ono kuntilanak e ." lha tros opo hubungane ro aku..?.emange aku pengusir hantu ngono po..?" Omongku . " Sek to...! kowe ki rasah nyelo...! .tak critani sek..! Protese gudel.." Giaaah..! Critamu mesti elek ramenarik...!.mboseni intine wae opo ?.." Intine kowe ki tak kon ngecek ndono..!".jare gudhel.

"Waani pirooo..?" Takonku ro menjeb Wkwjwk "Njalukkmu piroo !" Jare gudel nantang.." Aku wingi bar ngusir demit neng kidol kono ,kae dibayar seket juta..wkwkwk..( tak apusi lur ) .

Gudel langsung rupane mbalik pucet.

" Yo wes yo..! Tak tilikane ' lhaaa nak ngono..! Siap kaaat..

Bojo Simpenan

Singkat crito yo lur, aku budal neng solo, diterke nganggo mobil e gudel tekan lokasi magrib. Jebul gede omahe lurr...! mangku dalan sisan, nek tak sawang, jan jane yo durung lawas lawas banget tak kiro kiro model omahe wong sugih taun 80an. Gendenge model kodok kebumen ," mbiyen nggone pejabat DPR jamane mbah Harto iki.!". jare gudel ,tapi wes ganti pemilik bola bali mergo ono penunggune mahluk halus wujud kuntilanak hedehh... Nek jare omahe wes di ruwat , diundangke wong pinter seko ngendi endi ning ora gelem lungohhh.

Bareng tak buktekke mlebu omahe lur..lha ....! demite we isih mbegegek wujud kunthilanak rambute di krembyahke...hhh... Namatke aku njuk namatke gudel sajak nesu.. Matane menteleng koyo raseneng ono menungso mlebu omah kono. Lawange di banting banter banget mak " braaaaak."

Gudel njenggirat kaget ngoplok. Woh nek iki demite emosi tingkat dewa tenan pantesan seng tuku do wedi. Tak matke soyo ceto lur, jebul demit wedok iki isih enom ayu lur...! sandangane model 80 an ning gandeng emosi yo ngerti dewe rupane dadi nggilani. Ming gumunku deknen ki iso njungkelke korsi di bandem bandemke si gudel.

Gudel saking wedine nganti nguyuh manggon mergo diwerohi , barang barang do mabur mabur, Gudhel suwe suwe lemes njuk ambruk smaput.. Barkui njuk genten Kuntilanake namatke aku menteleng..hhh ....aku di bandemi diamuk langsung tak sentak wae

" HEEEH...! " karo tak tudingi raine .." ISO LEREN ORA..?..HE...KOWE .....ISO LEREN ORA.....!!! HAYO SELEHKE....! SELEHKEE....!" demite langsung kaget njuk mundur. Rupane nyawang aku terus sajak ra percoyo nek aku iso weroh wujudte deknen

" Woooo isih ngeyel WANI ..?..WANI KOWE KARO AKU..?..WHOOO ISO KLAKON ONO DEMIT TAK WUDANI TENAN...! AKON, IYO KOWE NJALUK TAK WUDANI..??.!!" demite malah ketok bingung..

WOO LHA KLAKON ONO DEMIT Wudo tenan..hh "omongku..karo tak cedaki. Deweke njuk mundur ro gedek gedek ketok wedi njok mbengok... kyaaaaaaaaa!!! mlayu sajak gilapen njuk bles mlebu tembok kamar mburi..

Tak tututi neng kamar mburi wes kosong ora ketok blas. Aku njuk metu marani si gudel seng isih nyekakar katoke teles ,kaose nyilak wetenge blegendong ketok wudele bodhong. Aku gage njukuk banyu botol mineral tak grujuggke karo tak tapuki pipine seng gembil ben sadar.

tangi....! Tangi...! Tangi !

Gragapan si Hilman ro gebres gebres.."nengendi ki.....??aku negedi ki...??" Omonge hilman karo isih bingung. Langsung tak geret wae.".ayo bali...! "critane mengko..!" Gerang ,gede tuwo iseh ngompolan.!".Gudel njuk ngadek, ngejak bali nengomahe, neng daerah manahan solo...hhh..njuk sopo demit wedok iki ??????

Kasuss di bukaa..!

Bojo Simpenan

Sedino aku nginep neng omahe gudel. Dikenalke karo kluargane, anake gudel wes 2, seng mbarep kelas 2 smp, sijine isih balita.

Njuk aku kapan..??? Wkwkee

Isuke aku ngejak neng mbekonang , gudel jian ra wani wani tenan..

"alaaah....! iki kan awan , mosok wedi..?!"gudel tetep wegah... "nek wes lungo wae demite.!" jare gudel karo ngenei kunci motor. "wuuu....! jireh wanine wedi...! ora sumbut ro awake le mblegendong.." ....ben..!" Nek karo uwong hambok kongopo tak adepi....!.lha iki mungsuhe demit je hiiii..giaah trimo lari.!." Jare gudhel..,"hakok wingi oraa lari...? , malah semaput, ngompol meneh ?" takonku ro nyekejek..."hh.embuh yo...! rasane sikilku jian koyo di pantek jew..!" Jare gudhel

Akhire aku moro dewe lur..! bareng tekan lokasi tak gateke setiap sudut ruangan blas ra ono sing aneh. Njuk aku mulai takon karo tangga teparone. Jan jane omahe ki nggone sopo ??!...

Bareng takon takon aku entok informasi menowo omah kui. Seng ngerti sejarahe, mbah Noto sesepuh kampung kono. Mergo tonggo kiwo tengene jebul pendatang, wes wong anyar kabeh dadi do ra ngertisejarahe.

Bareng tekan omahe mbah Noto aku di critani nek lemahe mbiyen nggone mbakyune, ning wes di dol dituku wong solo, tros didol meneh karo wong jakarta ,di bangun..jare anggota DPR seng duwe..! Hhh....jenenge mbah noto lali.

Bareng dadi omahe dinggoni ro bojone jenenge mbak Yuni . Jare mbah Noto lhaa gandeng seng lanang tugase neng jakarta jarang bali dinggoni noko 3 taunan..

" lha mbak yuni niku piantun pundi mbah..! njenengan ngertos mboten ?" Takonku karo ngempakke udud cresss bul bull..

"Nek kabare nuku tiyang solo mas.!"

Jare mbah noto ,"neng solone pundi kulo mboten ngertos wong sering suwung kok mas omahe...! .lha... barniku omah suwong teros dadi angker sering krungu sworo sworo aneh teng njero omah..! sworo tangis lah macem macem lah britane. Njuk kulo krungu kabar di dol seng duwe pon ganti pon bola bali di dol niku omahe. Nek wong mriki pon do wegah nuku..! ,padal murah banget niku mas omahe. Lhaa sak niki ajeng mang tumbas nopo..?" Takone mbah noto. "mboten mbah ...! Dwet sekeng pundii,malah ajeng kulo brokke...! dibangun meleh ben mboten angker..!" Omongku.

"Waah setuju kulo mas nadyan apik niku terkenal omah demit...!" Jare mbah Noto.

Gandeng aku wes entuk informasi nadyan durung pati cetoaku bali neng omahe Hilman ( gudhel) . Kabeh tak critakke hilman ming mantuk mantuk.." saiki omahe nggone sopo ?" Takonku ro gudel.."omahe iki nggone pak Ketut wong seko bali !" .." saiki kowe njaluk anggaran iki mergane ora main main mbutuhke ragat okeh...! rumit iki critane..!!"

Gudel gandeng wes percoyo ro aku njuk njikuk hp ngebel bose..sajake di ACC. Jos siip..! iso tuku simano meneh wkwkw.

Bojo Simpenan

Jam pitu bengi , aku moro meneh neng bekonang. Isih penasaran karo kuntilanake. Tekan lokasi wes peteng. Jegagik krungu suoro cenklang cengkklung suoro kotak musik seng di puter kae lho lur. Tak parani alon alon, gandeng keno sinar lampu ndalan dadi isih ketok remeng remeng. Bareng musike mandek, njuk mak glodak...! koyo suoro kotak musike tibo. Tak injen seko cendelo ono sosok neng madep mburi lungguh kursi goyang . Hawane dadi anyep. Barkui deknen ngadek mlayang kae lho lur. Sajake deknen yo curiga opo kroso nek ono menungso nyedak. Aku ndelik amping amping tembok. Bareng rodo cedak ketok wujud demit wedok deknen yo soyo le curiga. Ketoro mripate jlalatan karo irunge nyungir nyungir sajak mambu . Reflek aku njuk ngambu kelekku dewe. wangi ki..? .ora mambu blas ..! wong aku wingenane wes adus.....! .dadi jelas dudu aku Yo to lur..! Tros tak injen meneh...loh kok ra ono..? Ndelik nengendi demite ? Aku clingak clinguk nggoleki. Wah mesti wes neng mburiku.!!!....plek koyo seng mbok jedek...lur..! basan aku noleh tenan wae sosok badan alus wes ngadek neng mburiku. Mripate menteleng sajak nesu banget . Gandeng aku wes siap dadi yo ora kaget, malah genten tak tamatke dadi malah pandeng pandengan..

Bareng ngerti nek aku seng teko....! Sajake deknen ora pangling,. Deknen kaget rupane, seng maune. sangar mbalik pucet tros mbengok

" kyaaaaa...!.kyaaassssss...!!@@#..nganti nglesot nglesot gilapen..." pergiiiiii....! pergiiii.....! pergiiii...!@@#@" karo nyekeli klambine..hedehhh.........lebay..bangeet...! Batinku nggonduk..h

Seng demit ki jan jane sopo to luur????

"Jangaan...!..jangaaan ..!!..pergiii.....! Pergii...!"

Ngono kui lur omonge si demit wedok karo nglesot nglesot nyekeli klambine. Jiaan lebay banget to..!..hhh

Lak yo menyebalkan to kui, wong ora tak apak apakke..oq..hedehh

." kowe ki ngopoooo ???" Njuk sek arep mblejeti kowe ki yo sopo..?" Omongku ro nggonduk lur.." koe dudu utusane bu sri po ??" Takone deknen.." sri bakule tenong po ?

Kowe ki mbok ra waton menuduh...! aku ndene ki sengojo arep nulungi kowe je,. malah werno werno ! "Wes gek ngadek..!" kui lhoooo katesmu nganti ketok mbelah.. ora nguati...!" Ora nglesot ngono kuwi, merangsang...ngerti ra ! "

Deknen sajak ragu, arep ngadek," ning tenan lho mas ...! aku ojo mbok apak apakke..lhoo.!!" Jare si kuntilanak.

" ORA ORA...! kuatirmen .! .nek tak wudani, paling bentuke yoming yongonoeee !" aku ki wong taat beragama yoo..!".dadi kongono ki dilarang..! Ning jane aku penasaran lho wujud koyo kowe ki kok ndadak nganggo sandangan barang ki yo ngopo to ? Opo ono seng dodol po..? Nek ra nganggo lak yo ra popo to..? Hora ketok we kok..!" Deweke njuk muni " wuuuu...saru..!" Halaaah wes dadi demit we kok ngerti saru.. !" Omongku karo njeglekke meteran listrik ben lampune iso murub.

.klek .byar..padang .

Bojo Simpenan

Bareng mlebu aku gumun lho lur, korsi seng maune teng besasik ( seri sak durunge ) wes tumoto rapi. Demite yo wes njagong neng kursi. Rambute wes di rapekke. Jiaan ayu tenan lur jebule. Nek ming luna maya we lewat. Meh mirip bintang film celsi islan.

" kok iso rapi to iki..? , koe mbiyen babu ne kene yo ? " @#$@#.. ..deknen njuk merot sajak protes .

" aku ki seng duwe omah kene yo mass !". "Loh, jeneng mu sopo ?" Takonku..

" YUNI " omonge deknen karo ndungkluk. Aku mak jleg keling critane mbah noto sesepuh kampung kene...

" LOH.....! DADI KOWE KI MBAK YUNI TO..! Bojone DPR e...??" deknen ming mantuk...

" Jare kowe ro bojomu pindah jakarta ?," takonku neges.

Deknen malah ndungkluk njuk mulai nangis sajake kelingan kedadian seng nancep neng atine. Tros mbak yuni seng ayu crito karo sesenggruan. Aku nganti melu terharu, ngelek idu.

***

Dadi critane ngene lur...! deknen ki dadi bojo simpenane pak Bram anggota dewan ...ngerti dewe ...orang kayaaa..! .wkwk. Deknen diapusi jare wes cerai resmi karo bojo pertamane. Mbak sri jenenge dadi gelem dipek bojo . "mbell...! " batinku..

" lha kowe..dinikah resmi opo ora?" Takonku nyelo critane yuni. Deknen ming gedek. Jare nikah siri ndisik nek surat ceraine metu jare arep nikah resmi..! " WOOOOOO....! HAYO KUI...kowe ki ayu neng goblok..!" dadi perkoro iki iso nggo pelajaran terutama cah wedok wedok. Oo gelem nek dinikah siri. Dadi ora kuat secara hukum, nek nduwe hak waris. Untung si Yuni ora anak anak ..hedeh.. Lakyo mesakke anake to nek nganti ngono kui.." lha kowe ki wong ngendi mbiyen?" Takonku, jare wong solo daerah mbanyu Agung. Ngakune isih duwe sedulur neng kono..

"lhakok kowe iso kenal karo DPR e ki piye..? " jare kenale pas ngisi acara rapat partai neng solo , deknen ki penyanyi jare lur...! ,pingin dadi artis ibukota..wkwkk . Tros ditawani karo DPR e, neng jakarta jare duwe kenalan artis ning sarate, kudu gelem dijak turu neng hotel." Jindut...nan oq, aku le ngrungokke nganti rasengojo ngeces..... .."

" Halah....dasare kowe wae seng pengen...! dasar cewek matre lo..!" Omongku " ora yoo...!" Wiih...nek si Bram ra sugih kowe yo sengoro gelem..! Hhh....gede ra nggone DPR e ?... Ro nggonku..?"

Ketoke gede kono..!" Jare Yuni ro mesem....@$$$@#.ra sengojo aku misuh..afuii...koyo ngerti ngertio wekku..!!." lha pertanyaanmu njuk mesti menjurus neng kono oq !" Jare si yuni..hh.

." haming takon oq ra oleh...! heehhh...trus piye ?" Takonku kepo.

Yuni tros crito nek deweke di gawekke omah iki. Ning sajake bojo pertamane seng jenenge bu sri ngerti...dadi geger !

meneng meneng bu sri kongkonan uwong nggoleki bojo simpenane DPR e.

..ketemu...critane..bareng ngerti ditukokke lemah digawekke omah muntab bojone pertama.." jane lho nek akur we yo malah penak lho . Sedino neng mbok tuwo tros seminggu neng mbok enom ...adil to !" Karepku yo ngono mas.!" Jare si Yuni

Bojo Simpenan

Cen, mbok tuwo ki ratau iso mengerti perasaane mbok enom lak iyo to yun !!".

Jareku karo lungguh , njejeri yuni hhahahah.... Jian wes dadi lelembut we iseh kempling opo meneh jih urip.

Mbok tuwo tros kongkonan uwong kon mateni si Yuni. Tenan wae ono wong 2 teko neng omahe yuni ngaku utusane bu sri.,.si yuni di sikep di gilir " pas di gilir mau kowe piye...? Pasrah opo brontak ? " yo jelas brontak no mas !" Protese yuni ..neng gandeng wong wedok ora iso bonggo. Bar yuni lemes tros ditekak nganti mati, mulakno deknen dendam banget karo bu sri sak krandahe. Ning saiki kabeh wes do mati jare yuni "lha mbok pateni po ?" Oraa..jare yuni " mati mergo tuwo !"

" Lhaa...... tros jasadtmu di kubur nengendi ?" Yuni tros nduduhi jasadte di kubur neng mburi lemari kamar utama. Njuk aku di duduhi nggone .Jebol neng kamar utamaki lur ono model lemari seng mlebu tembok kae lho lur...halah model taun 80an, ming iki lemarine di jokke tros di tatani boto tros di lepo.

Dadi blas ra ketok...

Tak delok wes meh jam 12 bengi si Yuni njaluk tulung kon ngrumat jasate karepe njaluk di kubur jejer karo bapak ibune neng makam pracimantoro." Lha bapakmu jenenge sopo.?" WIKNYO SUDIRO!!" ...yoh neng nek kasil kajatmu ndang balio neng alam kelanggengan gandeng iki wes bengi aku njaluk pamit ngluari kajadmu ming siji takonku seng marai aku penasaran seprene. Wis dadi badan alus koyo kowe ngono kuwi , ndak isih koyo ndisik bentuke? " Apane..?" Halah kuwi lho seng mbok tutupi. Isih vertikal opo wes dadi horisontal..? " apa to? Aku ra dong..!" Jare yuni ro menjeb.

Wuuuuu...radongan wkwkwk.." nek horisontal niat di benggang malah rapet ekwkwkwk

"Asemmmbooooh...!" Jare si Yuni. Nggonduk...wkwkwk

Gandeng wes ketemu arwah penasaran seng jebule arawahe mbak Yuni penyanyi lokal seng dadi istri simpanan pak bram anggota DPR wektu kui, aku bali nengomahe gudel. Gudel wes ngenteni neng ngarep omahe

Bojo Simpenan

" piye wes beres ..?" Takone deknen karo mbukakke lawang pager.." durung !" Barkui aku di tanggap karo gudel ,tros tak critakke kabeh. Gudel nggatekke kanti serius ro montak mantuk sajak mudeng.." lha kowe ngerti kuburan PRACIMANTORO ora del..? " takonku " wayo jelas ngerti ..sesok tak terke !" Jare si gudel..

***

Isuke aku di terke Gudel nggoleki kuburan umum pracimantoro , arahe cedak STSI (sekolah tanpo sinau iso) poyo aku rodo lali. Masalahe aku ki nek neng solo ki bingungan dalane angel diapalke.

Bareng tekan, Yaaaa ALLAH, jembar bianget kuburane. Meh sak deso jembare. Seng ngerti kuburan iki oleh komen kok..." wah del njur piye ki del nggoleki kuburane alm Wiknyo sudiro !??. Iso melu modar awak dewe nek metani sak mene wakehe...hedeeeh..

" takon juru kuncine wae..!" Woh jos sip idemu...!! Tros aku nemoni juru kunci takon daptar penduduk makam pracimantoro. Jebul seng jenenge Wiknyo sudiro wakeh banget . Wah njuk piye ki ? Takone gudel " mosok awak dewe ngecek siji mboko siji..!" ..aku njuk kelingan critane Yuni nek deweke isih duwe adi neng daerah mbanyu agung..

" Dell...koe ngerti deso banyu agung ra..?" Hayo jelas ngerti, ngopo ndadak ndono?" Takone Gudel..

" wes gek mangkat ndak kawanen !" Jareku ,neng ndalan si gudel tak ceitani nek Yuni duwe adi neng mbanyu agung dasare pak wiknyo almarhum mbiyen omahe kono sopo ngerti adine wedok ayune ngungkuli Yuni..hehehe... celsi islan je lur.. mesti do ra ngerti celsi islan kae lho prisenter empat mata hehe.. tontonanmu ming jathilan wae wkwkwk...sssttt.

Bareng tekan banyu agung njujuk klurahan takon alamate pak wiknyo. Akkhire ketemu..mak ces..nan... Jebul adine yuni wedok jenenge Yuli. Krungu jenenge we wes jelas meyakinkan lur....wkwkwk... Sopo ngerti jodohh....oooooh..jodohkuuu ..

Bareng tekan omahe, si gudel seng takkon ndodok lawange. Ngerti dewe to lur nek aku ki isinan. Nek karo cewek seng rodo piyee ngunukui, aku ki pemalu. Epek epek ku tak idhoni tros tak usapke rambut ben ketok rodo mbois ngono lur. Bareng lawang di bukak njedul simbah simbah susuran nganggo tapih jarik motip solo..njuk cuuh..idu abing menger menger

" madosi sinten nggih ?" Takone karo nyumpelke mbako neng lambene..hedehh jian nyepelekke banget " Madosi mbak yuni..!" WOO LAH ..GOBLIK NAN KOJ GUDEL KI....YULI MBAH..SENES YUNI..HEDEHH!"

Simbahe malah plenggongan" yuli sinten nggih..?

Yuli putrane pak wiknyo almarhum mbah ?!!". simbahe njuk ketok soyo kaget.." langgeh kulo yuli anake pak wiknyo niku !".....whaaat..!@#$#@

Genten aku seng syok..! Hededehh

Bojo Simpenan

" Monggo pinarak mlebet mriki mas !"..akone mbah mbahe. Tak delok si gudel ngampet ngguyu nyawang aku sajak ngece karo muni "WES KONO GEK DI UNTAAAL..!" .."PRUEEEEK...!! "wangsulanku singkat

Bareng tekan njero si Gudel crito opo anane, simbah yuli kaget sak ngertine ,yuni ki pindah jakarta njok mboh raono kabare. Angger kluarga nakokke blas ora di temoni karo mbok tuwone , padal wes entek ragat akeh dinggo wira wiri neng jakarta . Bapake ro ibune nganti do loro njuk mati mergo mikirke si yuni..

Akhire mbah yuli dijak nduduhi makame pak wiknyo sisan kongkonan juru kunci nduduk jugangan nggo ngubur jasadte yuni sesok.

Singkat crito yo lur, kabar nek arep ono pembongkaran tembok wes sumebar. Kebukti omahe mbak yuni wes kebak uwong do pingin ndelok. Pak ketut bose gudel seng duwe omah saiki yo teko. Mbah noto yo ono. Jian gayeng pokmen. Akhire aku mlebu omah njuk tak kon nggeser lemari gede ukir kuno tinggalane yuni. Tukange gudel tak kon mbodemi tembok mburi lemari brol...brol...ambrol ....

Ketok balung tengkorake Yuni isih nganggo klambi .plek koyo sing dinggo yuni wektu kui. Cawete ro bh ne ora ono. Pantesan deknen gilapen nek di wudani....wkwkwk..

Tengkorake yuni di bungkus mori tros di lebokke peti njuk diangkatke di pindah dimakamke jejer bapake..

Gumunku seng teko yo okeh. Jare bengine arep dianakke tahlilan nengomahe mbah yuni..

Basan kabeh do bali ming kari aku gudel ro pak ketut. Gudel ro pak ketut ngejak bali .

" Kono kowe ndisik wae aku tak nusul udud udud sek...!"omongku karo cres bull bull....sajake gudel tanggap njuk ngejak bali pak ketut..karo nguncalke kunci mobile...

Bareng wes sepi krungu suoro "matur nuwon yo mas, aku saiki wes bebas ora isin karo bapak ibuku, aku wes kumpul meneh karo kluargaku...!" Tak delok yuni wes ketok bedo karo maune. Jian teplek celsi islan . Ketok sumringah ngguya ngguyu disanding bapak mboke sajake ,tros mbungkuk karo aku. Yuni njuk mlayu koyo cah cilik njuk ngruket aku.

Mbisiki aku " TERIMA KASIH !!" njuk ngeculke tros moro neng bapak mboke..njuk dada..karo mesem........sitik sitik ilang tak kedepke....hedeeeh...tinggal aku sendiri lagii

===========================TAMAT==========================

SC: Dokter Kung Top